MUNTINLUPA CITY – DALAWANG most wanted personality na hinihinalang riding in tandem criminals na sangkot sa robbery, frustrated homicide at “Agaw Armas” ang kapwa nadakip ng pulisya sa Muntinlupa City kamakalawa ng hapon.
Nasa kustodiya ngayon ng Muntinlupa City Police ang kapwa nasa number 5 most wanted na sina Virgilio Baldrias alyas “Bernie”, 32, naninirahan sa Brgy. Halang, Saint Francis IV Village, Biñan City, Laguna at Fab Curita alyas “Pab”, 21, nakatira sa #326 Purok 1, Brgy Sucat, Muntinlupa City.
Ayon sa report na natanggap ng hepe ng Muntinlupa City Police na si Police Colonel Gerry Umayao, dakong 3:30 ng hapon nang maaresto ng kanyang mga tauhan ang mga akusado sa kahabaan ng Putatan National Road, Brgy. Putatan ng naturang si-yudad.
Ang mga suspek ay naaresto sa ikinasang anti-criminality operation ng mga pulis at bitbit ang warrant of arrest laban sa mga ito.
Narekober mula sa mga suspek ang Glock 17, 9mm, PNP tampered markings; armscor 200, caliber .38 na may SN. 851392; armscor, caliber 9mm na may SN. 1435054, isang piraso ng picklock at Yamaha N-MAX na kulay gray at walang plaka.
Bukod sa frustrated homicide ang mga suspek ay nahaharap din sa kasong paglabag sa Republic Act 10591 (Illegal Possession of Firearms) in relation to Omnibus Election Code. MARIVIC FERNANDEZ
Related posts:
KRIMEN NG RIDING-IN-TANDEM NATAPYASAN NG 1K
BUCOR OFFICIAL BULAGTA SA TANDEM
SARI-SARI STORE OWNER PATAY SA RIDING IN TANDEM
RETIRADONG POLICE NIYARI NG RIDING IN TANDEM
PULIS ITINUMBA NG RIDING IN TANDEM
TRADER DINALE NG RIDING IN TANDEM SA BALINTAWAK
LOLO ITINUMBA NG RIDING IN TANDEM
BARANGAY TANOD TINIRA NG RIDING IN TANDEM
Comments are closed.