NUEVA ECIJA- ARESTADO sa magkakahiwalay na manhunt operations ng mga awtoridad ang dalawang lalaki na kapwa most wanted sa kasong Murder at Carnapping.
Sa report na ipinadala ni Nueva Ecija PNP Provincial Director PCol.Richard Cabellero kay PNP Regional Director BGen. Cesar Pasiwen, kinilala ang suspek na si Ralph Relly Galleos y Narciso, 34-anyos, vendor, Top 3 Regional Most Wanted ng Brgy. Bangad, Cabanatuan City.
Base sa paunang imbestigasyon ng Llanera Police, inaresto si Galleos sa bisa ng warrant of arrest na may cc.no.21-495 sa kasong Murder na inilabas ni Malabon RTC -170 Presiding judge Zaldy Balagat Docena.
Samantala, arestado rin ng Magalang PNP ang Top 3 most wanted na si Rommel Damiray dela Cruz Jr., 23-anyos ng Sitio Lambingan Brgy, San Miguel sa bayan ng Magalang Pampanga.
Dinakip si Damiray sa pamamagitan ng warrant of arrest na may cc.no R-ANG-22-02895-CR sa kasong Carnapping Act 2016 RA 10883 na inilabas ni Branch 118 Angeles City RTC presiding judge Rene Estrada Reyes.
Detenido ngayon ang mga suspek sa Llabera at Magalang Municipal jail. THONY ARCENAL
