PARAÑAQUE CITY – PATAY ang dalawang motorcycle riders at nasa kritikal na kondisyon ang angkas ng isa sa mga biktima matapos magsalpukan ang kanilang minamanehong motorsiklo.
Dead on the spot sina Raymart Rodriguez at Jericho Tabao, kapuwa nasa hustong gulang.
Ginagamot naman sa Taguig-Pateros District Hospital dahil sa kritikal na kondisyon ang angkas ni Tabao na si Roger Peralta.
Sa report ng Parañaque City Traffic Bureau, naganap ang insidente alas-11:55 ng gabi sa East Service Road ng naturang lungsod.
Minamaneho ni Rodriguez ang kanyang motorsiklo at papunta ito sa area ng Bicutan at habang binabagtas nito ang naturang lugar ay nag-counterflow umano ito.
Samantalang si Tabao naman ay lasing umano habang nagmamaneho at angkas nito si Peralta at dahil mabilis ang pagpapatakbo nito ay hindi nila nakontrol ang preno at nagsalpukan sila ni Rodriguez.
Sa lakas nang pagkakabangga ay tumilapon ang mga biktima na naging sanhi ng agarang kamatayan nina Rodriguez at Tabao. MARIVIC FERNANDEZ
Related posts:
10 SUGATAN SA ARARO NG VAN SA 8 SASAKYAN
DRIVER AT RIDER NAPURUHAN SA AKSIDENTE
1 NADALE, 14 SUGATAN SA AKSIDENTE SA NLEX
SALPUKAN NG TRAILER TRUCK AT JEEP: 2 PATAY, 14 SUGATAN
MMDA PATAY, 3 PA SUGATAN SA SALPUKAN NG 2 MOTORSIKLO
ROAD ACCIDENTS BUMABA
TRIKE SINALPOK NG TRACTOR HEAD,1PATAY4SUGATAN
17 KATAO SUGATAN SA VEHICULAR ACCIDENT SA NLEX
Comments are closed.