2 MOTORBIKES NAGSALPUKAN: EX- ARMY PATAY, 3 SUGATAN

ISABELA-ISANG retiradong sundalo ang nasawi habang tatlo naman ang sugatan sa salpukan ng dalawang motorsiklo sa daang maharlika sa bahagi ng Barangay Maligaya ng bayan ng Tumauini ng nasabing lalawigan.

Nakilala ang nasawi na si Magno Asingan, 58-anyos, may asawa, retiradong sundalo.

Habang sugatan naman ay ang driver nang nakasalpukan na motorsiklo na si Private First Class Sherwin Ford Lingbawan, 25-anyos gulang at ang angkas nila na sina Jay-ar Bulauan, 32-anyos, may-asawa, residente ng San Mateo, Tumauini, Isabela at Fely Entera, 25-anyos residente naman ng Alibagu, City of Ilagan.

Ayon kay Major Junniel Perez, hepe ng Tumauini Police Station, habang sabay umanong nag-overtake ang dalawang nagsalpukan sa kanilang sinusundan sasakyan nang kapwa nabulaga ang dalawang motorsiklo na naging dahilan ng aksidente na ikinasawi ng retiradong sundalo.

Ani Perez, hindi naman accident prone area ang pinangyarihan ng salpukan dahil ito ang unang pagkakataon na may nangyaring aksidente sa lugar.

Habang patuloy naman na inoobserbahan ang kalagayan ng tatlong nasugatan sa pagamutan, panawagan ni Perez sa mga motorista na mag-ingat at ugaliing magsuot ng helmet kung magmamaneho ng motorsiklo upang maiwasan ang anumang pinsala at huwag magmaneho kung nakainom.
IRENE GONZALES

Related posts:

3 SUGATAN,100 BAHAY NAABO SA SUNOG LUPA GUMUHO: 1 PATAY, 3 SUGATAN 2 TRUCKS LUMIYAB NANG MAGSALPUKAN, 3 SUGATAN TRUCK SWAK SA BANGIN: 1 DEDO, 3 SUGATAN NAG-AMOK PATAY, 3 SUGATAN ENGKUWENTRO NG 2 MILF KUMANDER: 5 PATAY, 3 SUGATAN SUNDALO NAMARIL: 1 PATAY, 3 SUGATAN BANGGAAN NG MOTOR: 2 PATAY, 3 SUGATAN