2 MOTORNAPPER KUMASA SA PULIS BULAGTA

BULACAN – DALAWANG hindi kilalang motornapper ang napatay makaraang kumasa ito sa operatiba ng San Ildefonso police na nagkasa ng police check-point matapos ang pagtangay sa isang motorsiklo at magkaroon ng engkuwentro sa Barangay Malipampanga, San Ildefonso.

Base sa report kay P/Col.Emma Libunao, Acting Provincial Director ng Bulacan-PNP, hindi pa nakikilala ang dalawang armadong motornapper na nakasuot ng black full face bonnet at kapwa nasawi sa lugar ng engkuwentro bunga ng mga tama ng bala sa kanilang katawan.

Alas-10:30 ng gabi nang tutukan ng dalawang hindi kilalang suspek na lulan ng itim na motorsiklo ang isang rider at puwersahang tangayin ang kanyang kulay rosas na motorsiklo sa Barangay Malipangpang saka tumakas tangay ang kinarnap na motorsiklo.

Kaagad na nai-report ang insidente kaya kaagad nagkasa ng police check point sa lugar hanggang sa dumaan ang dalawang suspek kaya nagkaroon ng habulan hanggang sa sumadsad ang motorsiklo ng mga suspek sa Barangay at nagpaputok ng baril kaya nagkaroon nang palitan ng putok at kapwa mapatay ang dalawang suspek. MARIVIC RAGUDOS