CAVITE – Dalawa-katao na sinasabing notorious shoplifter ang nasakote ng mga awtoridad sa magkahiwalay na shopping mall sa Bacoor City, Cavite kamakalawa ng gabi.
Pormal na kinasuhan ng pulisya ang mga suspek na sina Mary Joy Rojas y Eusebio, 32, ng Barangay Talaba 3, Bacoor City; at Virgilio Tecson y Romano, 35, ng Barangay San Francisco 2, Dasmariñas City.
Base sa police report na nakarating sa Camp Pantaleon Garcia, lumilitaw na naaresto si Mary Joy sa loob ng Puregold Hyper-market sa Barangay Panapaan I bandang alas-7 ng gabi.
Nabatid na sinikwat ni Joy ang isang pakete ng chicken nuggets at 3 de-lata ng spam kung saan palihim na inilagay nito sa kanyang sling bag ang mga nakulimbat at hindi ito dumaan sa kahera para magbayad.
Gayon pa man, lingid sa kaalaman ng suspek ay nakatutok ang CCTV camera sa kanyang modus operandi kaya ito nasakote.
Samantala, si Tecson naman ay naaresto sa loob ng SM City Hypermart sa Barangay Molino 4, Bacoor City kung saan nasamsam sa kanyang bag ang 6 pirasong Vita Quench at 2 piraso ng skin white powder na may kabuuang halaga na P1, 272.00.
Nahaharap naman sa kasong paglabag sa ilalim ng Article 309 ng Revised Penal Code ang dalawang suspek na ngayon ay naghihimas ng rehas na bakal. MHAR BASCO
Comments are closed.