DALAWANG military officers ang sinibak dahil sa naganap na hazing na ikinasawi ng 4th class cadet na si Darwin Dormitorio sa Philippine Military Academy Cadet sa Fort Gregorio del Pilar, Baguio City.
Ito ay kasabay ng paglutang na may dalawa pang kadete na biktima rin ng hazing ang kasalukuyang naka-confine sa hospital habang may dalawa pang upper classmen ng nasawing 4th class cadet ang posibleng mapabilang sa nauna ng tatlong kadete na itinuturing ngayong mga suspek.
Inihayag kahapon ni PMA spokesman Maj. Reynan Afan na isang Senior tactical officer na may ranggong major at isang company tactical officer na may ranggong captain ang ni-relieved.
Nilinaw ni Afan na hindi naman nangangahulugan na sangkot ang dalawang military officers sa hazing kaya sila sinibak. “Since they are the ground commanders sa company level sila yung narelieve for us to have a better or impartial investigation po.”
Nabatid din na may nadagdag pang dalawang person of interest na may kaugnayan sa pagkamatay ni Dormitorio habang pitong kadete ang itinu-turing na witnesses.
Samantala, kinumpirma ni BGen Edgard Arevalo, tagapagsalita ng Armed Forces of the Philippines (AFP), ang dalawa pang kadete na hinihinalang biktima rin ng hazing kasalukuyang nasa pagamutan dahil sa iniindang injuries. VERLIN RUIZ
Related posts:
PANIBAGONG HAZING INCIDENT SA PNPA NAITALA
(Aral ng PMA taglayin at maging pamana) PNP CHIEF GAMBOA PRESENT SA 2020 PMA ALUMNI HOMECOMING
(Lacson pinarangalan din) EX-REBEL SOLDIER AT EDSA HERO CAVALIER AWARDEE SA PMA ALUMNI HOMECOMING 2020
DUMALO SA PMA ALUMNI HOMECOMING NUMIPIS NG HALOS 45%
TURISTA BAWAL PA RIN SA PMA
(PAF Sgt. utas, 2 sugatan) BARILAN SA PMA BARRACKS
NAMARIL SA PMA BARRACKS PATAY NA
SUNDALO NAPATAY NG PINSAN SA PMA FACILITY
Comments are closed.