CAGAYAN DE ORO- DALAWANG pastor ang naaresto matapos na ihain sa kanila ang warrant of arrest sa Barangay Lapasan sa lalawigang ito kahapon ng umaga.
Ayon kay City Director Col. Salvador Radam, personal na nagsilbi ng warrant of arrest kina Baptist Church Bishop Dimver Andales at sa junior pastor na si Jetner Nonot sa loob mismo ng simbahan sa nabanggit na lugar.
Ang nasabing warrant of arrest ay mula sa sala ni RTC Branch 39 Presiding Judge Marites Bernales sa kung saan ay sangkot umano ang dalawang suspek sa pagpatay sa dating Mr. Cagayan de Oro candidate na si Adrian Fornillos sa Barangay Nazareth noong nakalipas na Mayo 9 ng taong kasalukuyan.
Sinabi naman ng legal team ng dalawang suspek na si Atty. Robert Maestra na nakahanda naman silang humarap sa gaganaping pagdinig sa korte ukol sa Fornillos murder case.
Dagdag pa nito, pagkakataon na nila upang maihayag ang lahat ng kanilang pagkontra sa panig ng prosekusyon at pag-presinta ng mga hawak nilang ebidensiya.
EVELYN GARCIA