DALAWA ang nasawi habang tatlong iba pa ang sugatan nang magsalpukan ang sinasakyan nilang motorsiklo sa kahapon ng madaling araw sa Roxas City, Capiz.
Kinilala ng Roxas City PNP ang mga nasawi na sina Mike Anoche at Gesmark Alborte.
Sa imbestigasyon ng Roxas City police, sakay ng motorsiklo si Anoche kasama ang dalang angkas nito nang bumangga sa kasalubong na motorsiklo na minamaneho naman ni Alborte, na may isang backride.
Agad namang dumating sa incident area ang emergency response team at dinala sa ospital ang mga biktima subalit kapwa idineklarang dead on arrival sina Anoche at Alborte dahil sa mga malubhang sugat sa ulo.
Sugatan ang tatlong iba na ngayon ay nilalapatan pa ng lunas.
Napag-alaman ng mga awtoridad na mabilis ang pagpapatakbo ng mga biktima ng kanilang mga motorsiklo at walang suot na helmet ang mga ito nang mangyari ang insidente.
Nakainom din umano ng alak ang mga biktima, ayon sa mga paunang impormasyon na nakalp ng mga imbestigador. VERLIN RUIZ
