(2 PBA games kanselado) 4 PLAYERS POSITIBO SA COVID-19

Mga laro ngayon:

Ynares Sports Arena -Pasig

3 p.m. – Phoenix vs. NorthPort

6 p.m. – Alaska vs. Magnolia

IPINAGPALIBAN ng Philippine Basketball Association (PBA) ang dalawang laro na nakatakda ngayong araw makaraang magpositibo sa COVID-19 ang apat na players.

Sa anunsiyo ng PBA, kinansela ang nakatakdang laro ng  Terrafirma Dyip at Alaska Aces, at ng TNT Tropang Giga at Magnolia Hotshots Pambansang Manok alinsunod sa health and safety protocols ng liga.

“Four TNT Tropang Giga players have returned tests that were either positive or need to be confirmed for COVID-19 under government approved league protocols,” pahayag ng PBA sa isang statement.

“They are now isolated and will be tested again. The rest of the team who tested negative are also isolated and will be retested,” dagdag ng liga.

Negatibo sa COVID-19 ang buong Terrafirma team ngunit sila ang huling koponan na nakaharap ng TNT nitong Hulyo 17. Naka-isolate din sila at muling isasailalim sa test.

Binago ng PBA ang iskedyul ng mga laro kung saan magsasagupa ang Phoenix Super LPG Fuel Masters at NorthPort Batang Pier sa alas-3 ng hapon, habang magsasalpukan ang Alaska Aces at Magnolia Pambansang Manok Hotshots sa alas-6 ng gabi.

Ang Alaska at Magnolia ay kapwa may 1-0 kartada, habang ang Phoenix at NorthPort ay kapwa nabigo sa kanilang unang laro.  CLYDE MARIANO

Related posts:

(Sa gitna ng COVID-19 restrictions sa NCR) PBA GAMES TIGIL MUNA PBA GAMES SA CHINA? (Dahil sa banta ng COVID -19) PBA GAMES KANSELADO REF SA PBA BUBBLE POSITIBO SA COVID-19 (Simula kahapon) PBA GAMES SA BUBBLE TIGIL MUNA (Dagdag na protocols ipatutupad) PBA GAMES SA BUBBLE BALIK SA NOB. 3 PBA TEAMS SASALANG SA BACK-TO-BACK GAMES LIVESTREAM VIEWERS SA PBA BUBBLE PUMALO SA 1.5M