2 PINAY, 6-ANYOS ANAK BIKTIMA NG SERIAL KILLER

CYPRUS – INIIMBESTIGAHAN na ng pulisya ang posibleng serial killer makaraang tatlong Pinay ang natagpuang patay na itinapon sa isang minahan.

Ang mga biktima ay nadiskubre sa abandonadong minahan may layong 30 sa kanluran ng Nicosia.

Ang isa ay kinilalang si  Mary Rose Tiburcio, 39-anyos,  at ang anak na babae na  si Sierra Grace Secaliluc, 6-anyos.

Habang ang isa pang biktima ay 28-anyos subalit hindi muna isinasapubliko ang pangalan nito.

Isang 35-anyos na opisyal ng Cypriot Army ang nasa kustodiya ng awtoridad na pinaniniwalaang responsable sa pagpaslang sa tatlong biktima.

Pinalawig na rin ang pagsisiyasat sa abandonadong minahan sa posibleng biktima ng pamamaslang.

Samantala sa Thailand, isang 69-anyos na Filipino ang namatay nang banggain ito ng la­sing na Cambodian.

Nakahinto si Rigoberto Ignacio lulan ng kanyang motorsiklo at naghihintay ng go signal mula sa traffic light nang banggain ito sa likuran ng 48-anyos na Cambodian na si Le Thi na lulan ng Mercedez Benz.

Naidala pa sa ospital sa Phuket si Ignacio subalit namatay rin habang arestado si Le na napag-alamang lasing. EUNICE C.