CAVITE – Kamatayan ang inabot ng dalawang preso dahil sa matinding init sa kanilang mga selda sa himpilan ng pulisya sa Dasmariñas City, Cavite kamakalawa ng gabi.
Hindi na umabot ng buhay sa pagamutan ang dalawang preso na sina Eddie Villas, 30, ng Blk 68 Lot 13 Zone 6, Brgy Sampaloc 4, Dasmariñas City at Freud “Simon” Calvin, 36, ng Blk 19 Lot 15 P1 City Homes Resort Ville sa Brgy. Langkaan 2, Dasmariñas City.
Base sa police report na nakarating sa Camp Pantaleon Garcia sa Imus City, ang dalawa ay nakikipag-usap sa mga kapwa preso nang biglang makaramdam ng pagkahilo at paninikip ng dibdib.
Kaagad namang humingi ng tulong sa iba pang preso at sa ilang jail guard, kung saan mabilis naisugod sa ospital ang bikitima, subalit hindi na siya umabot ng buhay sa ospital.
Pinaniniwalaang heat stroke ang dahilan ng pagkamatay ng dalawang preso. MHAR BASCO
Comments are closed.