CAVITE – DALAWA sa apat na notoryus na shoplifters ang nalambat makaraang maaktuhan naninikwat ng mga produkto sa dalawang convenient store sa Brgy. Buenavista at Brgy. Pinagtipunan sa General Trias City sa lalawigang ito kamakalawa ng hapon.
Nahaharap sa kasong pagnanakaw ang mga suspek na sina Jonathan Biola y Martinez, 31-anyos at Jane Mendoza y Sain, 28-anyos habang tinutugis naman ang dalawang kasamahang sina Mary Rose Decena y Cansi at Jerome Gonzales na pawang nakatira sa nasabing barangay.
Sa inisyal na ulat ni PSSg Christopher Dumlao na naisumite sa Camp Pantaleon Garcia, lumilitaw na unang sinikwatan ng mga suspect ang Alfa Mart convenient store sa Barangay Buenavista.
Sumunod na ninakawan ng mga suspect ang Puremart Convenient store sa Brgy. Pinagtipunan subalit lingid sa kaalaman ng mga ito ay sinubaybayan na sila ng assistant manager ng unang store na kanilang ninakawan at naipagbigay-alam na sa mga operatiba ng pulisya.
Gayunpaman, hinarang na ang mga suspect na lulan ng Hyundai accent na may plakang DAN 1021 subalit nakatiyempong tumakas ang dalawang suspek na sina Decena at Gonzales.
Narekober ang mga produktong nagkakahalaga ng P3, 968.00 sa unang convenient store at P1, 144.00 naman sa ikalawang store na walang resibo na nagpapatunay na binayaran sa kahera. MHAR BASCO
865528 900555you could have a amazing weblog here! would you wish to make some invite posts on my weblog? 162006