BULACAN-DEAD on the spot ang dalawang lalaki na sakay ng red-plate na sasakyan, matapos pagbabarilin ng hindi nakilalang mga suspek lulan ng pick-up na sasakayan sa Brgy. Muzon sa siyudad ng San Jose Del Monte.
Kinilala ang mga nasawing biktima na sina Allan Rebuijo, 46, residente ng Brgy.Muzon at Rodolfo Capulong, 47 ng Brgy. Guijo.
Base sa report ng mga pulis nangyari ang pamamaril ganap na alas- 3:50 ng hapon nitong Lunes, Disyembre 13 sa bahagi ng Benjamin 2, Brgy. Graceville.
Sa inisyal na imbestigasyon,naghatid lamang ng litsong baboy ang dalawang biktima sa birthday party sa lugar lulan ng Toyota innova na may pulang plakang SJN 168.
Nang biglang bumaba ang dalawang lalaki sa isang Toyota pick up at walang sabi-sabing pinaputukan ang mga biktima.
Matapos ang pamamaril mabilis na tumakas ang mga suspek sakay ng pick up patungo sa direksiyon ng Brgy.Tungkong Mangga. Thony Arcenal