CAMP CRAME – DALAWANG miyembro ng lawless element na sangkot sa 5-month Marawi Siege noong 2017 ang naaresto ng Regional Intelligence Unit ng National Capital Region Police Office at mga tauhan ng Quezon City Police District 1.
Kinilala ang mga suspek na sina Arnel Cabintoy alyas Abu Mus Ab1 at Feliciano Sulayao alyas Abu Muslim, pawang Islam converts.
Sinabi ni PNP Chief, General Oscar Albayalde na ang dalawa ay sumali sa Daulah Islamiyah Philippines sa ilalim ni Hajan Sawadjaan na naging lider ng Maute-Isis terrorist group.
Sina Cabintoy at Sulayao ay nasa listahan ng mga pinaghahanap ng awtoridad dahil sa pagkakasangkot ng mga ito sa Marawi siege.
Nabatid na isa sa nadakip ay nakapunta pa sa Saudi Arabia para magtrabaho.
Ang dalawa ay inaresto sa Tandang Sora, Quezon City noong Sabado, Hunyo 15.
Pinawi naman ni Albayalde ang pangamba na magsasagawa ng terorismo sa Metro Manila ang dalawa at pawang nagtatago lamang ang mga ito. EUNICE C.
Related posts:
(Albayalde ginawaran ng testimonial parade) PAGHAHANAP SA NEXT PNP CHIEF SIMULA NA
NO PRESSURE SA ALBAYALDE RESIGNATION
(Hiniling na huwag nang bigyan ng retirement honors) ALBAYALDE PINILI ANG GRACEFUL EXIT SA PNP
US PACIFIC COMMAND TUTOK SA MGA TERORISTA
‘TERORISTA’ NAHARANG SA NAIA
124 TERORISTA NALAGAS SA ARMY
INDO SUICIDE BOMBER, 2 PANG TERRORISTS NASAKOTE
AÑO PIKON NA SA CPP-NPA-NDF
Comments are closed.