NORTH COTABATO-PATAY ang dalawang tinapa vendors matapos pagbabarilin ng riding in tandem sa lalawigang ito.
Base sa report ng Pikit PNP, nasawi sa pamamaril sina Pepito Sobrepeña, 57-anyos at ang store helper nito na si Juner Alconera. 26-anyos.
Kapwa idineklarang dead on the spot ang dalawa matapos na salakayin ng riding in tandem sanhi ng multiple gunshot wounds.
Sinasabing nagbabantay ang dalawa sa kanilang tindahan sa tabi ng kalsada sa bayan ng Pikit ng tapatan ng mga suspek na armado ng pistola .
Ayon sa Pikit Municipal Police Station may pagkakakilanlan na ang dalawang suspek matapos na makatangap ng tip mula sa ilang informants hinggil sa mga pangalan ng bumaril na kapwa umano naninirahan sa Barangay Punol.
Kasalukuyang inaalam pa ng mga awtoridad kung ano ang motibo sa pagpatay kina Sobrepeña at Alconera . VERLIN RUIZ