ARESTADO ang dalawang teenager sa P102,000.00 halaga ng droga sa isinagawang buy bust operation ng pulisya kahapon sa lungsod ng Pasig.
Ayon sa ulat na nakarating sa tanggapan ni Col. Roman C. Arugay , hepe ng Pasig PNP nasakote ang dalawang kabataang suspek dakong ala-5:45 ng hapon sa kahabaan ng B5 PH3, Villa Monique sa Brgy. Pinagbuhatan sa nasabing lungsod.
Kinilala ang mga suspek na sina Rowel Ignas y Monarez @Roel, 19-anyos, undergraduate, jobless at residente ng No. 326 San Agustin St. Bolante II, Brgy. Palatiw, Pasig City (kasama sa Pasig City Drug Watch List) at William Machite y Yopo @ Bunso, 18-anyos, undergraduate, binata at residente ng No. 127 Villa Monique, Brgy. Pinagbuhatan, Pasig City.
Narekober sa drug operation ang 9 pirasong heat-sealed transparent plastic sachets na naglalaman ng shabu na tumitimbang ng 15 gramo at na may standard drug price na P102,000.00 at isang P500 bill na may serial no. FV581417 na ginamit bilang buy bust money.
Kasalukuyang nakapiit ang dalawang suspek sa Detention Cell ng Pasig PNP habang inihahanda kaukulang kaso. ELMA MORALES