2 TULAK ARESTADO SA BUY BUST

MALABON CITY – DALAWANG hinihina­lang tulak ng droga ang naaresto ng mga awtoridad sa buy bust operation, Martes ng madaling araw.

Kinilala ni Malabon police chief Sr. Supt. Jessie Tamayao ang mga naarestong suspek na sina Julius Manalili, 29, ng 29 Bisig ng Nayon St. Brgy. 4, Caloocan City at Henry Fernandez, 32, ng 1982 Peñalosa St., Juan Luna, Pritil, Manila City.

Sa imbestigasyon ni PO3 Randy Billedo, alas-12:10 ng madaling araw nang isagawa ng pinagsamang mga operatiba ng Station Drug Enforcement Unit (SDEU) at PCP-4 sa pangunguna ni P/Insp. Rolando Domingo kontra sa mga suspek sa kahabaan ng P. Concepcion St., Brgy. Tugatog.

Matapos iabot ng mga suspek ang isang plastic sachet ng shabu sa pulis na nagpanggap na buyer kapalit ng P300 marked money, agad sumalakay ang mga back-up na ope­ratiba at inaresto si Manalili at Fernandez.

Nang kapkapan, nare­kober sa mga suspek ang 12 transparent plastic ­sachet na naglalaman ng hindi pa matukoy na halaga ng hinihinalang shabu at buy bust money.       VICK TANES