BULACAN- ARESTADO sa isinagawang buy bust operation ng mga tauhan ng Drug Enforcement Units ang dalawang lalaki na kabilang sa High Value Individual na sangkot sa illegal na droga sa bayan ng Sta. Maria sa lalawigang ito.
Sa report na tinanggap ni OIC PNP Provincial Director Lt.Col.Jacquiline Puapo, kinilala ang mga nadakip na sina Badroden Ungad y Tatoc, 40-anyos, alyas @Buddy, residente ng Lower Bicutan,Taguig at Acmaden Tatoc y Penduma, 41-anyos, residente naman ng Brgy, Gumaoc West sa syudad ng San Jose del Monte Bulacan.
Base sa paunang imbestigasyon ng mga awtoridad ganap na alas-1 kahapon ng madaling araw nang madakip ang mga suspek sa Brgy, Lalakhan sa nabangit na bayan makaraang magpanggap na poseur buyer ang isa sa mga pulis.
Nakumpiska mula sa mga suspek ang 200 gramo ng shabu na nagkakahalaga ng P1,360,000.00.
Samantala, detenido ngayon ang mga suspek sa Sta.Maria Municipal Jail sa kasong paglabag Sec 5 ,11and 26 article-ll ng RA 9165. THONY ARCENAL