2 TULAK NA UMIIKOT SA METRO TIMBOG

PILIPINO Mirror

TULUYAN ng nalambat ng mga tauhan ng Manila Police District (MPD) sa ikinasang buy-bust operation ang dalawang hinihinalang tulak ng iligal na droga na umiikot sa buong Kamaynilaan upang magbenta sa mga parokyano sakay ng isang van sa Tondo, Maynila.

Nahaharap sa kasong paglabag sa RA 9165 o Comprehensive Dangerous Drugs Act of 2002 sa Manila City Prosecutor’s Office ang mga naaresto na sina Mark Vince Adrian Licayan, 31-anyos, company driver at nakatira sa Betterliving, Paranaque City at si Jasper De Leon, 23-anyos, walang trabaho, residente naman ng Malate, Maynila.

Nadakip ang mga suspek dakong ala-1 ng madaling araw sa kanto ng Jose Abad Santos Avenue at Tayuman Street sa Tondo nang bumili ng droga ang isang poseur buyer.

Nakumpiska sa kanila ang nasa 14 hanggang 15 gramo ng shabu na may halagang P96,000 at isang P500 bill na ginamit na marked money sa operasyon.

Kinumpiska rin ang gamit nilang silver mettalic Hiace commuter van (NGO 6330) na ginagamit ng mga suspek sa pag-iikot sa iba’t ibang parte ng Metro Manila sa kanilang distribusyon ng iligal na droga.
Kasalukuyang nakakulong sa detention facility ng MPD-Station 7 ang dalawang suspek. PAUL ROLDAN

Related posts:

No related posts.

32 thoughts on “2 TULAK NA UMIIKOT SA METRO TIMBOG”

Comments are closed.