RIZAL- NAGHIHIMAS ng rehas na bakal ang dalawang suspek makaraang mahulihan ng ipinagbabawal na droga sa isinagawang buybust operation ng mga tauhan ng San Mateo Municipal Police Station.
Kinilala ang mga nadakip na sina alyas Paulo, 35-anyos, driver at alyas Manoy Dong, 31-anyos, construction worker matapos mapagbentahan ng isang pakete ng iligal na droga ang isang pulis na nagpanggap na poseur buyer.
Nang kapkapan ang mga suspek nakitaan ito ng isang maliit na pitaka na naglalaman ng 13 pakete ng shabu na may timbang na 43 gramo na nagkakahalaga ng P292, 400.00.
Ang mga suspek ay kasalukuyang nasa pangangalaga ng San Mateo Custodial Facility at dadalhin sa Provincial Forensic Unit kasama ang mga nakumpiskang ebidensya para sa tamang disposisyon at dokumentasyon. ELMA MORALES
