NUEVA ECIJA-ARESTADO sa isinagawang buy bust operation ang dalawang lalaki na kilalang tulak ng ipinagbabawal na droga sa bayan ng Talavera sa lalawigang ito.
Sa report na ipinadala ni Nueva Ecija PNP Provincial Director P/Col Jess Mendez kay PNP Regional Director BGen.Matthew Baccay, kinilala ang mga suspek na sina Ruel Manuel Y Inocencio, 40-anyos at Alejandro Tumpalan Y Inocencio, 53-anyos ng Brgy, Matias Talavera.
Nakumpiska mula sa mga suspek ang 7 plastic sachets ng shabu na naglalaman ng 35 gramo na nagkakahalaga ng P238,000.00.
Gayundin, ang P1,000 marked-money, isang weighing scale at isang Black Honda TMX 155 tricycle (kolong-kolong) na may MV File no. 0401-0800693.
Umabot ng isang linggo na surveillance bago nadakip ang mga suspek.
Samantala kasong paglabag sa RA 9165 ang isasampa laban sa dalawang tulak ng illegal na droga.
THONY ARCENAL