ARESTADO ang dalawang drug pusher sa ikinasang drug buy-bust operation ng Parañaque City police nitong Lunes ng madaling araw.
Sa report na isinumite ni Parañaque City police chief Col. Maximo Frial Sebastian kay Southern Police District (SPD) director P/Brig. Gen. Jimili Macaraeg, nakilala ang mga suspek na sina Francis Ibañes, a.k.a. Gego, 51-anyos, residente ng 701 A. Bonifacio, Brgy. San Dionisio, Parañaque City at Joe Vincent Sta. Ana, 51-anyos, ng 22 R. Diaz St., Brgy. San Isidro, Parañaque City.
Base sa imbestigasyon ng Parañaque City police, matagumpay na naisagawa ang buy-bust operation dakong alas- 4:30 ng madaling araw sa Barangay San Isidro, Parañaque City.
Nauna rito ay nakatanggap ng impormasyon ang Parañaque police Drug Enforcement Unit (DEU) ng impormasyon tungkol sa ilegal na aktibidad ng mga suspek kung kayat agad na nagkasa ang hepe ng naturang unit na si Maj. Brent Ian Salazar na siyang ikinadakip ng mga ito.
Nakumpiska sa posesyon ng mga suspek ang limang plastic sachets na naglalaman ng shabu na tumitimbang ng tatlong gramo na nagkakahalaga ng P20,400, drug paraphernalias at ang P500 piso na ginamit bilang buy-bust money.
Ang nasamsam na ilegal na droga ay ipinadala na sa SPD Crime Laboratory para sa chemical analysis.
Samantalang, nakapiit sa Parañaque City police station custodial facility ang mga suspek habang inihahanda ang isasampang kasong paglabag sa R.A. 9165 laban sa kanila sa Parañaque City prosecutor’s office. MARIVIC FERNANDEZ
90534 681035This really is excellent content material. Youve loaded this with useful, informative content that any reader can recognize. I enjoy reading articles that are so really well-written. 470064
295535 309764Some truly great articles on this internet site , appreciate it for contribution. 620393
37649 167620cleaning supplies ought to have earth friendly organic ingredients so that they do not harm the environment 243416