BULACAN- TINATAYANG aabot sa P1,781,600.00 halaga ng shabu ang nakumpiska ng mga tauhan ng drug enforcement unit ng Balagtas Police sa dalawang tulak matapos ang buy bust operation sa barangay San Juan ng lalawigang ito.
Sa report na tinanggap ni PNP Provincial Director Col. Relly Arnedo, kinilala ang mga nadakip na sina Jayce Echavez y Reves alyas JC, 36-anyos at Eliseo Aramay Jr. y Ilanan alyas JR, 37-anyos, truck driver at residente sa nabangit na barangay.
Sa inisyal na imbestigasyon ng mga pulis ganap na alas- 9:10 ng gabi nang masukol ang mga suspek sa barangay San Juan.
Nakumpiska sa buy bust ang 262 gramo ng shabu at marked money na ginamit sa operasyon.
Samantala, kasong paglabag sa Section 5 and 11 Art. II of R.A. 9165 ang isasama laban sa kanila.
THONY ARCENAL