PASAY CITY – DALAWANG hinihinalang drug courier ang naaresto sa buy bust operation ng magkasanib na puwersa ng Philippine Drug Enforcement Agency at Pasay City police at nakumpiskahan ang mga ito ng P6.8-milyon na shabu.
Ayon sa PDEA, sampung plastic bag na may lamang tig-100 gramo ng hinihinalang shabu ang nakuha sa paper bag ng mga suspek na sina alyas “Ahmed” at “Omar.”
Dinampot ng awtoridad ang mga suspek matapos umanong makipagtransaksiyon ang mga ito sa kanilang poseur-buyer na isang pulis sa parking lot ng isang restawran sa may Roxas Boulevard.
Sa pahayag ng PDEA, ang mga suspek ay galing sa Lanao Del Sur at nagtatrabaho sa Metro Manila bilang mga vendor.
Nagsusuplay umano ang mga naarestong suspek ng droga sa mga lungsod ng Pasay, Makati, at Parañaque. MARIVIC FERNANDEZ
Related posts:
DRUG-FREE PHILIPPINES SA 2022 TARGET NG PNP
BANTAY BAYAN, 9 PA NALAMBAT SA DRUG OPS
11 DRUG SUSPECTS ‘NAG-JAMMING’ SA SELDA
5 DRUG SUSPECTS HULI SA BUY BUST
2 BEBOT, AT IBA PA NASILO SA DRUG BUST
8 HULI SA BUY BUST SA VALENZUELA
2 MALAYSIAN KULONG SA DRUG PARAPHERNALIA
11 HULI SA DRUG BUY BUST SA VALENZUELA
Comments are closed.