IPATUTUPAD na ang 20 percent discount para sa national athletes at coaches sa mga piling establisimiyento, ayon sa Philippine Sports Commission (PSC).
Sakop nito ang transportasyon, lodging at pagbili ng pagkain, gamot at sports equipment, tulad ng nakasaad sa Republic Act 10699 o ang “National Athletes and Coaches Benefits and Incentives Act”.
“We have been looking forward to this and we are thankful that our athletes and coaches will finally enjoy the privilege they deserve,” wika ni PSC chairman William ‘Butch’ Ramirez.
Ipinalabas ng Bureau of International Revenue (BIR) noong Miyerkoles ang Revenue Regulation 13-2020 para sa paggamit ng insentibo sa ilalim ng section 4 ng RA 10699.
“National athletes and coaches must present their Philippine National Sports Team Identification Card and Booklet to avail of discounts,” nakasaad sa regulasyon.
Ayon sa PSC, naipamahagi na nila ang IDs sa mga miyembro ng national team, habang inihahanda pa ang mga booklet.
Epektibo ang regulasyon, 15 araw makaraang malathala sa Official Gazette o sa anumang dalawang nationally-circulated newspapers.
Related posts:
NON-CONTACT SPORTS PUWEDE NA SA GCQ
50% CUT SA ALLOWANCE NG ATLETA IDINEPENSA
P75-B GAMEFOWL INDUSTRY NAGPASAKLOLO KAY PANGULONG DUTERTE
(Sa Pebrero dahil sa pagmura ng jet fuel)PASAHE SA EROPLANO BABABA
‘FINAL 12’ (Clarkson, Sotto pangungunahan ang kampanya ng Gilas sa FIBA World Cup)
NCAA FINALS GAME 2
Comments are closed.