GENERAL SANTOS CITY – NASA 20 katao ang posibleng nahawaan makaraang matukoy na nakasalamuha ang nasawing 68-anyos na lolo na nagpositibo sa COVID-19 sa Barangay Bula ng lalawigang ito.
Batay sa ipinarating na ulat ni Dr. Ruth Camarillo (RHU chief), lumilitaw na ang pasyenteng lolo ay na-admit sa ospital noong Agosto 28 matapos magpositibo sa virus hanggang sa namatay kahapon.
Kaugnay nito, tukoy na rin at kasalukuyang naka-quarantine ang 20 katao na sinasabing direktang nakasalamuha ng lolo maging ang secondary contacts nito.
Kasalukuyang ipinatupad ang emergency lockdown sa Zone 2C Block 3 sa nasabing barangay para sa isasagawang contact tracing na may kaugnayan sa nasawing COVID-19 patient.
Samantala, hindi pa kabilang sa tala ng Department of Health Center for Health Development noong Linggo ang namatay na lolo at inaasahang maidadagdag ang naturang kaso sa case bulletin ng ahensiya ngayong araw.
Dahil dito, nakatakdang tumungo sa Gensan si Defense Secretary Delfin Lorenzana bunsod umano ng tumataas na kaso ng COVID-19 sa lungsod, kung saan 6 na ang naitalang patay. MHAR BASCO
Related posts:
COVID-19 PATIENT NAGHASIK NG VIRUS SA 2 BRGYS
21 SUNDALO NA IDINEPLOY SA CEBU NAHAWA SA COVID-19
(Para magpakasal sa nobyo) OFW NA MAY COVID-19 TUMAKAS
5 BARANGAY SA ANTIPOLO CITY NAKA-LOCKDOWN
4-BUWANG SANGGOL POSITIBO SA COVID-19
CONTRACT TRACING SA NEW 49 CASES SA BAGUIO NATUNTON SA LOOB NG 24 ORAS
(Ibinaba sa general community quarantine) ISTRIKTONG MOVEMENT SA CEBU CITY BINAWASAN
1,139 COVID-19 PATIENTS NAKAREKOBER SA RIZAL
Comments are closed.