TAGUIG CITY – SINIBAK sa puwesto sa New Bilibid Prisons (NBP) ang may 200 pulis na itinalaga sa kulungan matapos na mahuli ang may 16 na pulis na nagpupuslit ng kontrabando sa loob.
Ipinag-utos ng bagong talagang PNP-National Capital Region Police Office (NCRPO) Chief P/Bgen Debold Sinas ang pag-recall sa mga pulis na itinalaga sa NBP makaraang ilang pulis ang nahulihan na nagpupuslit ng mga ipinagbabawal na items sa sa loob ng bilibid.
Ayon kay Sinas, isusunod niya ang pakikipag-usap sa mga opisyal ng Bureau of Corrections (BuCor) matapos ang kanyang formal assumption bilang kahalili ni MGen Guillermo Eleazar.
Layun ni Sinas na makipag-ugnayan at alamin kay BuCor chief Gerald Bantag kung nais pa nitong panatilihin ang presensya ng mga tauhan ng NCRPO sa bilibid kasunod ng kontrobersiya.
Magugunitang 16 na pulis na pawang tauhan ng NCRPO ang iniimbestigahan ngayon matapos mahuling nagpupuslit ng kontrabando sa bilangguan gaya ng cellphone, tabako at iba pang bagay gaya ng alak.
Pansamantalang nasa floating status ang 16 habang iniimbestigahan. VERLIN RUIZ
Related posts:
P10-M AYUDA SA MGA NAULILA NG 7 PULIS NA NAMATAY SA MARAWI
PANIBAGONG TRAINING SA MGA PULIS
PULIS NA DINUKOT NG NPA LAYA NA
5 PULIS NA NANG-IWAN SA ERE SINIBAK
17 PULIS NA “NAGPABAYA” SA ESTASYON KINASUHAN
2 PULIS NA ‘ADIK’ NAKAHULI NG 3 PUSHERS
PULIS NA UMAWAT SA AWAY-LASING BINUGBOG
PULIS NASAMPOLAN SA INDISCRIMINATE FIRING
Comments are closed.