2020 TOP SPORTS ACHIEVERS PARARANGALAN NG PSA

BIBIGYANG pugay ang mga atleta at sports personalities na nagbigay inspirasyon at karangalan sa Philippine sports sa gitna ng krisis sa San Miguel Corporation-Philippine Sportswriters Association (SMC-PSA) Awards Night ngayon sa TV5 Media Center.

May kabuuang 32 awardess ang nasa honor roll para sa 2020, na kinabibilangan ng sportsmen, officials, at entities na napagtagumpayan ang hamon sa gitna ng pandemya na nagparalisa kapwa sa local at international sports.

Si lady golfer Yuka Saso ang tatanggap ng coveted Athlete of the Year Award na tradisyunal na ipinagkakaloob ng pinakamatandang media organization sa bansa na pinamumunuan ng presidente nito at Manila Bulletin sports editor Tito S. Talao.

Ito ang ikalawang pagkakataon sa loob ng tatlong taon na igagawad sa 19-year-old Filipina athlete na may Japanese descent ang pinakamataas na parangal mula sa Philippine sportswriting fraternity, makaraang tanggapin ang prestihiyosong award noong  2018 kasalo sina fellow golfers Bianca Pagdanganan at  Lois Kaye Go, at  Olympic silver medal winner Hidilyn Diaz.

Ang Awards Night ay idaraos virtually, na kauna-unahan sa kasaysayan ng  PSA sa harap ng istriktong health restrictions, at handog ng San Miguel Corporation (SMC) at suportado ng Philippine Sports Commission (PSC) at  Cignal TV.

Si PSC Chairman William ‘Butch’ Ramirez ang mangunguna sa pagbibigay parangal kay Saso at sa iba pang awardees bilang guest speaker para sa event, kung saan magbibigay rin siya ng mensahe sa buong Philippine sports community.

Iho-host nina Gretchen Ho at Paolo Del Rosario, ang awards rite ay mapapanood sa March 28 sa OneSports+ simula alas-7 hanggang alas-8:30 ng gabi, kasama ang 1Pacman Partylist, Chooks-to-Go, at Rain or Shine bilang major backers.

Ang iba pang  awardees para sa taon ay kinabibilangan nina Philippine Olympic Committee President Abraham ‘Bambol’ Tolentino (President’s Award), PBA Commissioner Willie Marcial (Executive of the Year), Alliances of Boxing Association in the Philippines (National Sports Association of the Year), at ng trio nina esteemed sports leaders Jose A. Romasanta, Renauld ‘Sonny’ Barrios, at  late Ambassador at basketball godfather Eduardo ‘Danding’ Cojuangco Jr. (Lifetime Achievement Award).

Tatanggap din ng major awards sina netter Alex Eala, at boxers Johnriel Casimero at  Pedro Taduran, habang si  boxing legend at  Senator Manny Pacquiao ang magiging  recipient ng Chooks-to-Go Fan Favorite ‘Manok ng Bayan.’

Samantala, 20 personalities at entities ang bibigyan ng citation awards, maging ang mga atleta na naging frontliners ngayong pandemya.

Hindi rin malilimutan ang mga namayapang kaibigan ng Philippine sports na bibigyang pugay at aalalahanin sa pagkakaloob ng posthumous citation at isang minutong katahimikan.

Related posts:

TOP SPORTS ACHIEVERS PARARANGALAN NG PSA GABI NG PARANGAL (Olympic heroes, top sports achievers bibigyang-pugay ng PSA) (Youth sports palalakasin) PINAS, SAUDI SANIB-PUWERSA PSA AWARDS NIGHT SA PEB. 26 WOMEN’S POWER (PSA Awards Night) 27 PERSONALITIES, ENTITIES TATANGGAP NG CITATIONS PSA PRESIDENT’S AWARD SA LADY BULLDOGS PSA FORUM SA CLARK MIMOSA