21,063 PULIS UMANGAT ANG RANGGO

CAMP CRAME – UMANGAT ang ranggo ng 21,063 pulis at isinagawa ang induction o oath taking kahapon nang sabay-sabay sa buong bansa.

Pinangunahan naman ni Philippine National Police (PNP) Officer-In-Charge, Lt. Gen. Archie Francisco Gamboa ang oath taking sa promotion kasama ang pag-angat ni Maj. Gen. Celso Pestano, mula sa pagiging brigadier general, na pinuno ng Directorate for Integrated Police Operations-Southern Luzon.

Ayon kay PNP Spokesman, BGen. Bernard Banac, sa nasabing bilang na umangat ang ranggo, 1,154 pulis ay naka-assign sa national headquarters o sa Camp Crame.

Aniya, ang 21,063 police na na-promote ay nakapasa sa matinding requirement para sa ikalawang siglo ng promotion ngayong taon.

Sa rami ng na-promote, na­ngangahulugan din aniya na nagpapatuloy ang pag-unald sa kaa­laman at pag-uugali ng mga pulis.

“This latest round of regular promotion of police uniformed personnel speaks well of conti­nuing development of a culture of responsible seniority among police commissioned officers  and police non-commissioned police officers as they rise up in the career ladder to assume leadership position,” ayon kay Banac.

Congratulations na­man ang mensahe ng liderato ng PNP sa mga umangat sa ranggo habang inaasahan ang paggalaw ng kanilang mga duty. EUNICE C.