21,411 BAGONG KASO, 25,049 BAGONG GUMALING

INIULAT  ng Department of Health (DOH) na nakapagtala pa sila ng 21,411 bagong kaso ng sakit sa bansa kahapon.

Base sa case bulletin no. 547 ng DOH, nabatid na dahil sa mga bagong kaso ng sakit ay umakyat na sa 2,227,367 ang naitatalang total COVID-19 cases sa bansa hanggang nitong Setyembre 12, 2021.

Sa naturang kabuuang kaso naman, 8.2% pa o 181,951 pa ang aktibong kaso o nagpapagaling pa mula sa karamdaman at maaari pang makahawa.

Anang DOH, kabilang sa aktibong kaso ang 86% na mild, 9.5% na asymptomatic, 2.59% na moderate, 1.3% na severe at 0.6% na critical.

Mayroon namang 25,049 bagong pasyente ang gumaling na sa karamdaman.

Sanhi nito, umabot na sa 2,010,271 ang total COVID-19 recoveries sa bansa, o 90.3% ng total cases.

Samantala, mayroon pang 168 pasyente ang sinawimpalad na bawian ng buhay dahil sa karamdaman.

Sa kabuuan, umaabot na sa 35,145 ang COVID-19 death toll sa bansa o 1.58% ng total cases.

Samantala, iniulat ng DOH, na mayroon pa ring 65 duplicates silang inalis mula sa total case count, kabilang dito ang 57 recoveries at isa ang patay.

Mayroon din 58 kaso nag unang tinukoy bilang recoveries ngunit malaunan ay natuklasang namatay na pala sa pinal na balidasyon. Ana Rosario Hernandez

Related posts:

PINOY NA NAGKA-COVID SA ABROAD, 21,731 NA 21,261 BAGONG KASO NG COVID-19 25,000 KILONG BIGAS PARA SA SOUTHERN LEYTE 21,819 BAGONG KASO NG COVID-19