BALIK-PINAS na ang 22 Filipino seafarers na sakay ng Houthi-hit MV Transworld Navigator.
Ayon sa Overseas Workers Welfare Administration (OWWA), ang ikalawang batch ng repatriates ay dumating na may 10 seafarers noong Martes ng gabi, habang ang ikatlong batch na may 12 seafarers ay nakauwi Miyerkoles ng umaga.
Ang repatriates ay sinalubong ng mga opisyal ng Department of Migrant Workers (DMW) at OWWA sa kanilang pagdating sa Ninoy Aquino International Airport Terminal 3.
“Napakalaking biyaya na po lalo na po sa amin na makita kayong ligtas,” sabi ni OWWA Deputy Administrator Attorney Mary Melanie Quiño.
Ayon sa OWWA, ang lahat ng repatriates ay tatanggap ng financial assistance mula sa iba’t ibang ahensiya ng pamahalaan.
Kasama ang unang batch ng repatriates na may limang seafarers noong nakaraang June 30, ang lahat ng Pinoy na sakay ng MV Transworld Navigator ay nakauwi na.
Related posts:
140 DISTRESSED OFWs MULA KUWAIT NAKAUWI NA
18 PANG PINOY REPATRIATES MULA ISRAEL DUMATING NA
59 PINOY SA LEBANON HUMILING NG REPATRIATION
3 OFWs PATAY SA SUNOG SA KUWAIT
(Hiniling ng DOLE – OWWA) P9.8-B PA SA REPATRIATION FUND NG OFWs
(Tiniyak ng OWWA) CONTINGENCY PLAN PARA SA OFWS
(Tiniyak ng OWWA) SUPORTA SA OFWS NA APEKTADO NG TRAVEL BAN
(Uuwi mula sa ‘green’ countries) WALA NANG QUARANTINE SA OFWS