PINANGUNAHAN ni Mayor Rex Gatchalian at Deputy Speaker Wes Gatchalian ang opisyal na pagbubukas ng pang 24th Sentro ng Sama-samang Serbisyo o 3S Center sa Barangay Tagalag kasabay ng isinagawang inagurasyon nito.
Ang 24th Sentro ng Sama-samang Serbisyo ay isang two-storey building na may mga pasilidad na binubo ng Barangay Hall, Health Station, Daycare Center, ALS (Alternative Learning System) Center,
Sangguniang Kabataan (SK) Office, at Multi-Purpose Hall.
Layunin ng 3S Centers na ilapit ang serbisyo na magsisilbing One-Stop Shop kung saan mayroon ng health center, daycare at lahat ng kailangan ng mga residente.
Ang unang 3S Center ay pinasinayaan noong 2014 sa Barangay Poblacion. Ang mga ito ay pinagsama-samang pasilidad na naglalayong itaguyod ang pamamahala na bukas sa mga tao at para sa mga serbisyo ng lungsod na mas mapalapit sa komunidad. EVELYN GARCIA