NASA 25 trak ng basura ang nakolekta ng mga tauhan ng Metropolitan Manila Development Authority (MMDA) sa ilang lugar sa Metro Manila bilang bahagi ng partisipasyon nito sa inter-agency cleanup drive na KALINISAN (Kalinga at Inisyatiba para sa Malinis na Bayan) sa Bagong Pilipinas sa pangunguna ng Department of the Interior and Local Government (DILG).
Nagsagawa ang MMDA ng 16 pang cleanup drive sa iba’t ibang lokasyon ng bawat lungsod na kinabibilangan ng 350 tauhan na naka-deploy para sa aktibidad bukod sa kick-off ceremony na ginanap sa Baseco Compound sa Tondo Manila.
Kabilang sa mga lugar kung saan idinaos ang sabay-sabay na cleanup drive ay ang mga sumusunod: Barangay Tanza (Tanza Marine Tree Park) sa Navotas City; Barangay Tonsuya (Letre Creek) sa Malabon City; Barangay Paso de Blas (De Castro Subdivision) sa Valenzuela City; Brgy 28, 14 (C-3 Road) at 12 Lapu-lapu Creek sa Caloocan City; Brgy. Commonwealth at Brgy. Talipapa sa Quezon City; Brgy.Batis sa San Juan City; Brgy. Addition Hills sa Mandaluyong City; Brgy. Tumana at Brgy. Malanday (Creek) sa Marikina City; Brgy. Pinagbuhatan (Avesa Creek) sa Pasig City; Brgy. San Pedro sa Pateros; Brgy. Ususan Kalayaan sa Taguig City; Brgy. San Isidro (Tripa de Gallina site) sa Makati City; Brgy. 145- 190/Sto. Niño, Don Carlos (Tripa de Gallina) sa Pasay City; Brgy. Tramo (Redemtorist Channel) sa Parañaque City; Brgy. Poblacion (Biazon Rd.) sa Muntinlupa City; Brgy. Pulang Lupa Uno at Brgy. Manuyo Dos sa Las Piñas City.
Ayon kay MMDA Acting Chairman Atty. Don Artes ang programa ay malaking tulong sa solid waste management initiatives ng MMDA.
“The Kalinisan sa Bagong Pilipinas is in sync with our constant call to the public to do their part in lessening, if not eliminating, our wastes. We join the call of DILG to renew and strengthen community participation in our fight against indiscriminate solid waste disposal. Taking care of our environment is our shared responsibility,” ani Artes.
Kasabay ng pagdiriwang ng Annual Community Development Day, ang KALINISAN program ay isang convergence initiative upang pagsama-samahin ang lahat ng pagsisikap ng gobyerno na mapanatili at magbigay ng isang malusog at ligtas na kapaligiran para sa lahat sa pamamagitan ng pagpapagana ng mga local government units at pagpapagana ng partisipasyon ng komunidad na nakaangkla sa isang bagong tatak. ng “bayanihan”.
Ang inisyatiba ay naaayon sa konsepto ng Bagong Pilipinas sa pagbuo ng mas mahusay at mas malinis na komunidad. Nilalayon nitong itaas ang kamalayan at hikayatin ang partisipasyon ng publiko sa responsibilidad sa kapaligiran sa pamamagitan ng wastong solid waste management; upang hikayatin ang mga yunit ng lokal na pamahalaan na mamuhunan sa mga programa, proyekto, at aktibidad sa pamamahala ng solidong basura at mga kasanayan sa ekolohiya, at mag-set up ng isang sistema ng pagkilala para sa pinakamalinis na barangay at munisipalidad.
Pinangunahan ni DILG Secretary Benhur Abalos ang Cleanup drive at dinaluhan ng mga opisyal mula sa iba’t ibang ahensya ng gobyerno tulad ng Department of Environment and Natural Resources, Department of Health, Department of Labor and Employment, Department of Social Welfare and Development, Technical Education at Skills Development Authority, Philippine National Police, at iba pa. CRISPIN RIZAL