250K BOTANTE INAASAHANG MAGPAPATALA NGAYONG SETYEMBRE

SINIMULAN nang muli ng Commission on Elections (Comelec) nitong Lunes, Setyembre 6, 2021, ang pagdaraos ng voter registration sa mga lugar na nasa ilalim pa rin ng modified enhanced community quarantine (MECQ), kabilang dito ang Metro Manila.

Nabatid na nagbukas ang mga tanggapan ng Comelec sa mga MECQ areas, kabilang dito ang Metro Manila, at tumanggap ng aplikasyon mula 8:00AM hanggang 5:00PM upang mas marami pang mga botante ang makaboto sa 2022 national and local elections.

Ayon naman kay Comelec Spokesperson James Jimenez, inaasahan nilang aabot pa sa 250,000 pang bagong botante ang magpapatala ngayong buwang ito.

Pinaalalahanan din niya ang mga botante na magpaparehistro na lumagda na ng application form online at dalhin na lamang ito pagtungo nila sa tanggapan ng Comelec, gayundin ang kanilang balidong ID at photocopy nito.

Paalala pa ni Jimenez, hindi papapasukin sa tanggapan ng Comelec ang walang suot na face mask at face shield, gayundin yaong makikitaan ng mga sintomas ng COVID-19.

Ang mga botante naman na ang record ay na-deactivate ngunit mayroon nang biometrics sa Comelec ay maaaring mag-aplay ng reactivation online o di kaya ay magtungo ng personal sa mga tanggapan ng poll body na malapit sa kanilang lugar.

Ang deadline para sa voter registration sa bansa ay hanggang sa Set­yembre 30 lamang at wala nang balak ang poll body na palawigin pa ito. ANA ROSARIO HERNANDEZ

Related posts:

FAKE NEWS MAKAAAPEKTO SA DESISYON NG MGA BOTANTE P50 NA KADA BOTANTE, ELECTION CAMPAIGN EXPENSES TINAASAN 59-M PINOY REGISTERED VOTERS NA 80% VOTER TURNOUT INAASAHAN SA HALALAN (Patunay na malapit siya sa puso ng mga botante-PFP sec gen) BBM NAKAKUHA NG 68% RATING SA MANILA TIMES SURVEY (Payo ng CBCP sa mga botante) HUWAG PUMILI NG LIDER BASE SA SURVEY PARA IWAS-ABERYA SA BOTOHAN, NUMERO NG PRESINTO NG MGA BOTANTE, IBIGAY NA! COMELEC NAGPAALALA SA MGA BOTANTE