2ND WIN KINUBRA NG BATANG PIER

Mga laro sa Miyerkoles:

(Araneta Coliseum)

4:30 p.m. – Phoenix vs Columbian

7 p.m. – NLEX vs TNT

NAKOPO ng NorthPort Batang Pier ang ikalawang sunod na panalo nang masi­ngitan ang mabagal tumakbong NLEX Road Warriors, 95-90, sa PBA  Philippine Cup kagabi sa Araneta Coliseum.

Dikit ang laban at na-outshoot ng Batang Pier ang Road Warriors sa fourth quarter sa pinagsamang lakas nina Sean Anthony, Stanley Pringle, Moala Tautuaa at Nikko Elorde tungo sa panalo.

“We failed to execute well our game plan in the first three quarters. Only in the last period we made it,” sabi ni NorthPort coach Pido Jarencio.

Nalasap ng NLEX ang ika­lawang sunod na kabiguan at kailangang kumayod nang husto ang Road Warriors sa susunod nilang mga laro upang makabalik sa win circle.

Nagbuhos si Anthony ng game-high 22 points, 9 rebounds at 7 steals upang tanghaling ‘Best Player of the Game’, habang nag-ambag si Moala Tautuaa ng 18 points at 11 rebounds, at tinalo ang dalawang centers na  sina Raul Soyud at dating Blackwater John Paul Erram sa low post.

“All of us stepped up when the game was on the line. We played solid and made points when needed,” sabi ni Anthony.

Maraming sablay at errors ang NLEX sa last quarter at hindi gaanong nakatulong sina high scoring Kevin Alas at Larry Fonacier sa lungkot ni coach Yeng Guiao.

Dinomina ng NorthPort ang last period at umabante sa 75-70 sa back-to-back baskets ni Stanley Pringle.

Panay ang balasa ni coach Guiao sa kanyang players su­balit hindi makahulma ng perfect formula para pigilan ang Batang Pier.   CLYDE MARIANO

Iskor:

NorthPort (95) – Anthony 22, Tautuaa 18, Bolick 14, Pringle 11, Taha 9, Elorde 8, Arana 4, Guinto 3, Flores 2, Lanete 2, Grey 2, Gabayni 0, Sollano 0.

NLEX (90) – Erram 19, Quinahan 18, Galanza 11, Paniamogan 10, Magat 8, Tallo 7, Fonacier 5, Baguio 4, Ighalo 2, Alas 2, Soyud 2, Porter 2, Taulava 0, Rios 0.

QS: 25-22, 48-46, 71-70, 95-90