QUEZON CITY – ARESTADO ng mga tauhan ni Acting Quezon City Police District (QCPD) Director, Police Colonel Ronnie S. Montejo ang isang college student dahil sa droga noong Oktubre 23.
Kinilala ang inaresto na si John Robert Basoy, alyas Christian, 31-anyos, ng Antipolo City matapos ikasa ang buy-bust operation ng mga tauhan ng Kamuning Police Station (PS 10) sa ilalim ni PLtCol. Louise Benjie Tremor, bandang alas-6:30 ng hapon sa isang fast food store sa Aurora Blvd. corner Anonas, Brgy. Quirino 3A.
Nakuha mula sa estudyante ang apat na rolyo ng pinatuyong dahon ng marijuana, cellular phone, at ang buy bust money na ginamit sa operasyon. Inaalam pa rin ng pulisya ang posibleng pinanggagalingan ng ilegal na droga na siyang ibinebenta ni Christian.
Kasalukuyan na ngayong nakapiit ang suspek sa istasyon ng pulis na siyang umaresto dito habang haharap sa kasong RA 9165 o ang Dangerous Drugs Act. PAULA ANTOLIN
Related posts:
LIVE-IN PARTNERS,10 PA HULI SA DRUG OPS
GUSALI SA QUIAPO PINUNTIRYA SA ANTI-ILLEGAL DRUG OPS
LIVE-IN PARTNERS HULI SA ANTI-ILLEGAL DRUG OPS
(Sa batang nadamay sa barilan sa drug ops sa Rizal) PNP BUKAS SA CHR PROBE
BANTAY BAYAN, 9 PA NALAMBAT SA DRUG OPS
MAG-UTOL HULI SA ANTI-ILLEGAL DRUG OPS NG QCPD
‘BAYAWAK’, 2 PA TIKLO SA DRUG-OPS
Comments are closed.