DALAWA hanggang tatlong ‘tropical cyclones’ o mga bagyo ang inaasahang papasok sa Philippine area of responsibility (PAR) para manalasa ngayong buwan ng Hulyo.
Sinabi ni Philippine Atmospheric, Geophysical and Astronomical Services Administration (PAGASA) weather forecaster Aldczar Aurelio, ang mga inaasahang bagyong papasok sa bansa ay posibleng manalasa sa Southern at Northern Luzon o maaari ring mag-iba ng direksiyon patungong Silangan.
Ang mga bagyo ay papangalanang Falcon, Goring, Hanna, Ineng, Jenny at Kabayan. Nabatid na may average na 20 bagyo ang papasok sa bansa kada taon.
Samantala, huling namataan ang sentro ng bagyong “Egay” 195 kilometro silangan ng Aparri, Cagayan. Ito ay may lakas ng hangin na aabot sa 45 kilometro kada oras malapit sa gitna at pabugso-bugsong hangin na 60 kilometro kada oras. Ngayong araw (Hulyo 2) ay tinataya namang 60 kilometro kanluran ng Basco, Batanes, at asahan na lalabas ito ng PAR bukas (Hulyo 3). BENEDICT ABAYGAR, JR.
Related posts:
5,000 EKTARYA NG MAISAN NANGANGANIB KAY ‘RAMON’
BAGYONG SARA LUMAKAS PA
REHIYON NG BICOL AT VISAYAS BINABAGYO NA
TULUNGAN ANG MGA BINAHA – BISHOP ANTONIO
ILANG BIKTIMA NI TISOY ‘DI EXEMPTED KAY URSULA
ILANG BAYAN SA QUEZON LUMUBOG BAGYONG PEPITO
(Hagupit ng Bagyong Rolly sa Catanduanes at Albay) RETRIEVAL OPERATION NG AFP: 20 NASAWI, 13 SUGATAN
AYUDA SA SINALANTA NG BAGYO SA BICOL REGION
Comments are closed.