KORONADAL CITY – ARESTADO ang tatlo katao na itinuturing na mga bigtime drug pusher sa buy bust operation sa Malvar St., Brgy. Poblacion, lungsod ng Tacurong.
Kinilala ang mga suspek na sina Roderick Lamban Pigampuan, 37, residente ng Talisayan, Zamboanga City; Felix Abarquez, 21, driver at residente ng Kibawe, Bukidnon.
Arestado rin si LJ Albaña Dadoli, 29, cook at residente ng Tacurong City.
Narekober sa mga naaresto ang walong sachet ng shabu at marked money na P500.
Samantala, aminado naman ang mga suspek na gumagamit sila ng droga subalit iginiit na hindi sa kanila ang shabu kundi ibinabagsak lamang sa kanila para ibenta.
Tumanggi rin ang mga ito na ipaalam ang pagkakakilanlan ng mga drug lord.
Tinatayang nasa P23,000 ang halaga ng mga nakumpiska na mga suspected shabu. MHILLA IGNACIO
Comments are closed.