SOUTHERN LEYTE- KASALUKUYANG sinisiyasat ng mga awtoridad ang kakikilanlan ng tatlong kalalakihan na hinihinalang biktima ng salvage matapos na matagpuan ang kanilang mga bangkay sa bayan ng Sogod sa lalawigang ito.
Sa ulat natagpuan ang tatlong bangkay na pinaniniwalaang biktima ng summary execution dahil sa pare parehong istilo ng pagpatay.
Nakita ang tatlong hindi pa nakikilalang biktima sa ilalim ng tulay sa bayan ng Sogod matapos magreklamo ang mga residente hinggil sa napakabahong amoy sa lugar.
Dito nadiskubre ang mga katawan na binalutan ng masking tape at may mga tama ng bala .
Dinala ang mga bangkay sa punerarya para sa kaukulang medico legal examination habang nagpapatuloy ang imbestigasyon.
VERLIN RUIZ
