BULACAN- NASAKOTE ng mga operatiba ng PNP ang tatlo katao na sangkot sa bentahan ng illegal na droga sa lalawigang ito.
Sa report na tinanggap ni PNP Provincial Director Col. Relly Arnedo, kinilala ang mga nadakip sa buy bust na sina Leopoldo Flores, Christonny Co na kapwa nasa listahan ng PNP-PDEA watchlist at Archie Cruz.
Base sa paunang imbestigasyon, nadakip ang mga suspek sa magkakahiwalay na buy bust operation sa bayan ng Angat, Guiguinto at San Jose del Monte City.
Nakumpiska mula sa kanila ang 15 plastic sachets ng shabu, drug paraphernalias at marked money.
Habang arestado rin sa follow up operation sa pamamagitan ng warrant of arrest ang isang wanted sa kasong Theft na nakilalang si Andrew Pasilan y Villaflores
At ang tatlo pang nadakip ng pulisya na sina Crisencio Oblino, Ferdie Gaviola at Rommel Catalan ay sasampahan din ng kasong paglabag sa PD 1602.
THONY ARCENAL
