CALOOCAN CITY – NASAKOTE ng mga operatiba ang tatlong hinihinalang sangkot sa ilegal na droga kabilang ang dalawang menor na estudyante sa buy bust operation ng mga pulis.
Kinilala ni Northern Police District Drug Enforcement Unit deputy chief Jefferson Guillermo ang mga naarestong suspek na sina Jhumair Barao, 24, (user) at dalawang 17-anyos kabilang ang estudyante, pawang mga residente ng Bagong Silang.
Batay sa imbestigasyon ni PO1 Almart Cruz, dakong alas-2 ng hapon nang magsagawa ng buy bust operation ang mga tauhan ng DDEU kontra sa mga suspek sa Phase 7 B, Bagong Silang.
Nang iabot na ng mga suspek ang isang plastic sachet ng shabu na nagkakahalaga sa P2000 kay PO2 Castro na nagpanggap na buyer ay agad inaresto ang mga ito ng mga operatiba.
Narekober sa mga suspek ang dalawang transparent plastic sachet na naglalaman ng hinihinalang shabu na nasa P3000 market value ang halaga, isang surgical scissors, digital weighing scale at 30 piraso ng transparent plastic sachet na nakuha sa loob ng cellphone box. E. GARCIA / V. TANES
Comments are closed.