NASAKOTE ang tatlong ginang at isang lalaki nang bentahan ng droga sa buy bust operation ang tauhan ng drug enforcement unit kamakalawa ng gabi sa Pasig City.
Kinilala ni Col. Roman Arugay, hepe ng pulisya ang mga nadakip na sina Henry Nipa, 40 -anyos, rank No. 4 sa illegal na droga; Catherine Joyce Villanueva, 24- anyos; Russel John Pineda, 27- anyos driver at Camille Cruz, 34- anyos pawang mga residente ng Jabson St., Suha at Santan St., sa lungsod.
Nabatid na dakong alas-7:15 ng gabi nitong Sabado nang arestuhin ng mga tauhan ng Station Drug Enforcement Unit (SDEU) ang mga suspek sa Ilang-Ilang St., Brgy., Kalawaan Pasig.
Nakuha sa mga suspek ng grupo nina PLt. Julio Valle Jr at PLt. Jason Lovendino ang 20 gramo ng shabu
na nagkakahalaga ng P136, 000.00, knife, buy bust money at shabu paraphernalias.
Nakapiit sa detention cell ng pulisya ang mga suspek at kakasuhan ng paglabag sa RA-9165 section 5 at 11 art. ll. ELMA MORALES