ILOCOS SUR- TATLONG komedyanteng showbiz personalities na sinasabing inisnab ang health protocols at police power sa checkpoint ang pinapa- “persona non grata” sa Sangguniang Panlalawigan ni Ilocos Sur Governor Ryan Singson.
Base sa ulat, ang pagbisita para sa social activities sa bayan ng Sto. Domingo na walang pakikipag-ugnayan sa lokal na pamahalaan ay paglabag sa health protocols ng tatlong showbiz personalities ng mga pasaway na sina Roberto Mejia na alyas “Long Mejia”, Rony “Dagul” Pastrana at ni Gene “Gene Padilla” Baldivia, at kasama pang iba.
“We the Ilocanos are hospitable and value every person who visits their province, however we cannot “tolerate arrogance and willful disregard on lawful orders of duly constituted authorities of Ilocos Sur,” pahayag ng gobernador.
Nabatid na ang grupo ni Mejia ay nagtungo sa Ilocos Sur na walang anomang proper coordination sa local government unit o sa Provincial Government ng Ilocos Sur Covid Action Center.
Aniya, ang nabanggit na grupo na walang legitimate purpose sa Ilocos Sur ay tumangging sumailalim quarantine checkpoint protocols at umiwas pa sa checkpoint personnel ay malinaw na paglabag sa pinaiiral na batas, kaya hindi maaring palagpasin. MHAR BASCO
Comments are closed.