BULACAN – TATLONG lolong rapist na pawang kabilang sa most wanted person sa Bulacan ang sunod-sunod na natimbog makaraang salakayin ng pulisya na armado ng warrant of arrest ang kanilang hide-out sa Nueva Ecija, Malolos City at San Jose del Monte (SJDM) City kamakalawa.
Kinilala ni Police Col. Chito Bersaluna, Bulacan Police director, ang naarestong suspek na sina Efren Mercado, Emilio Sta. Ana at Romeo Gotis, na kapwa nakadetine ngayon.
Nabatid na unang nadakip ng Bulacan Municipal Police Force si Mercado sa Gapan, Nueva Ecija dahil sa kasong rape.
Sumunod na nadakip ng Malolos City police si Sta. Ana sa Malolos na hindi na nakapalag dahil sa kasong dalawang counts of rape sa menor de edad na kapitbahay at huling nadakip si Gotis sa SJDM City na may two counts of rape din sa panggagahasa sa minor na kapitbahay. MARIVIC RAGUDOS
Comments are closed.