CAMARINES SUR-PINASISIYASAT ng PNP-Regional Police Office 5 ang kakikilanlan ng mga armadong kalalakihan na namaril sa tatlong mangingisda sa Tinambac sa lalawigan.
Kasalukuyang ginagamot ang mga biktima na kinilalang sina sina Francis Gamura; Eduardo Dulay at Jessie Marinay na residente ng Calabanga ng nasabing lalawigan.
Lumitaw sa pagsisiyasat ng Camarines Sur PNP na habang tinutunton ng mga biktima ang kinaroroonan ng iniladlad nilang lambat na sakay ng fishing boat na MB Marylyn 1 nang biglang dumating ang mga armadong kalalakihan at pinagbabaril ang mga mangingisda. VERLIN RUIZ