RIZAL -TATLONG most wanted persons sa Taytay at Binangonan ang naaresto ng mga police station ng Binangonan at Taytay.
Sa ulat na nakarating kay Rizal Provincial Police Director PCol. Felipe Maraggun, nakilala ang mga naaresto na sina alyas Glenda, 28-anyos at residente sa Brgy. San Juan Taytay, na kinilala bilang Provincial Level Most Wanted Person at may kasong paglabag ng Sec. 11 Article 2 of R.A 9165 o Comprehensive Dangerous Drugs Act of 2002.
Samantala sa Binangonan naman ay matagumpay na naaresto si alyas Janeth, 50-anyos ng Brgy. Bilibiran na kinilala bilang Ranked No. 6 Regional Level Most Wanted Person.
Nasakote rin ang Regional Level Most Wanted Person na si alyas Enrique.
Ang Rizal Police Provincial Office ay patuloy sa adhikain na mahuli ang mga taong nagtatago sa batas.
Ayon kay Maraggun, mas paiigtingin pa nila ang kampanya laban sa lahat ng uri ng kriminalidad, gayundin ang mga taong may standing warrant of arrest upang mahuli at maibigay ang hustisya ng tapat.
“Ang pagtutulungan ng bawat isa ay isa parin sa pinaka epektibong paraan upang magkaraoon tayo ng isang payapa at maayos na bayan, ani Maraggun. ELMA MORALES