BULACAN – PATAY ang tatlo katao habang apat ang nasa kritikal na kondisyon at tatlo ang sugatan lulan ng iba’t ibang sasakyan nang mag-wild ang kulay itim na pickup na may plakang PTI-890 kahapon ng ala-1 ng hapon sa Brgy. Binang 1st sa bayan ng Bocaue.
Base sa report ni PNP Provincial Director P/Col Emma Libunao, wasak ang tricycle na habang nagkahiwa-hiwalay din ang parte ng apat na motorsiklo nang sagasaan pickup.
Kabilang sa sinibasib ng sasakyan ang isang L300 van at isang SUV.
Nabatid na tinakasan ng driver ng pickup ang na hit and run nito na tricycle subalit agad din namang nadakip.
Lumitaw sa imbestigasyon nang dahil sa pagmamadali ay muli itong nakasagasa ng iba pang sasakyan.
Kinilala ang nadakip na driver na si Fernando Salvador, 67- anyos, ng Brgy. Panginay Balagtas.
Samantala inaalam pa ng awtoridad ang pagkakakilalan ng tatlong nasawi sa aksidente. THONY ARCENAL