QUEZON-ARESTADO ang tatlong tulak ng droga sa isinagawang drug operation ng Lucena PNP sa may Purok Bagong Pagasa ng Brgy. Ibabang Dupay,Lucena City.
Kinilala Lucena City Police Chief Lt.Col. Romulo Albacea ang mga suspek na sina Alfredo Marquez,39- anyos, Rene Lagar,38-anyos atLenard Balanal,4-anyos na pawang mga residente ng nabanggit na lugar.
Ayon kay Albacea, matagal na nilang sinusubaybayan ang iligal na pagbebenta at pagtutulak ng droga ng tatlong nadakip dahil na rin sa mga impormasyon na ipinararating ng mga taga-barangay kung saan nasa listahan ng notorious drug personalities ng Lucena PNP ang mga sus-pek.
Nakuha sa mga suspek ang 22 heat sealed transparent plastic sachet na naglalaman ng shabu, marked money na ginamit ng nagpanggap na poseur buyer na pulis.
Kasalukuyang nakakulong sa PNP custodial facility ang mga suspek at sasampahan ng kasong paglabag sa RA 9165. BONG RIVERA
Comments are closed.