3 PAARALAN NABIYAYAAN NG COMPUTER SETS MULA SA DAVAO COPS

PATULOY ang BarangaYanihan program na ikinasa ng Philippine National Police (PNP) sa pamamagitan ng Police Community Affairs and Development Group na pinamumunuan ni PBrig. Gen. Eric Noble.

Isa sa kanilang matagumpay na hakbang ang pamamahagi sa tatlong paaralan at dalawang barangay sa Davao Oriental ng computer sets mla sa mga tauhan ng Davao Oriental Police.

Ang donasyong computer sets ay mula sa mga tauhan ng Revitalized-Pulis sa Barangay Cluster 4, 2nd Davao Oriental Provincial Mobile Force Company, at Banaybanay Municipal Police Station.
Kabilang sa nakatanggap ng computer sets ay ang Mahayag Elementary School, Ireneo Donguila Elementary School, at San Roque Elementary School.

Habang tumanggap din ng donasyong computer sets ang Barangays Mahayag at Panikian.

Gagamitin ang mga computer ng mga health workers at iba pang opisyal ng barangay.

Ayon kay Philippine National Police (PNP) Chief Police General Guillermo Lorenzo T. Eleazar malaking tulong ang donasyon sa mga paaralan na nangangailangan ng computer sa gitna ng ipinapatupad na distance learning scheme.

Matutulungan din aniya nito ang mga opisyal sa barangay upang mas magawa pa nila ng maayos ang kanilang tungkulin, lalo na sa aspeto ng peace and order sa kanilang lugar. EUNICE CELARIO